fo / en
Totalview HR rekruttering
Ment av Formula

Leys størv

25. jan. 2022
Handverkari til Apoteksverkið

Handverkari til Apoteksverkið

 

Søkt verður eftir einum handverkara til Apoteksverkið at byrja skjótast gjørligt.

 

Starvið umfatar

Høvuðsarbeiðsøkið er at arbeiða sum handverkari í Teknisku deild, har tú ert við til at halda og røkja bygningar og útgerð hjá Apoteksverkinum. Eisini arbeiðir toymið við framleiðslu av heilivágsfóðri á Framleiðsluapotekinum, tá tørvur er á tí.  

Harumframt skal tú vera tøk/ur til fyrifallandi uppgávur. Starvið er skipað í tøttum samstarvi við hini á deildini.

Tínir førleikar

·         Handverkaraútbúgving, maskin- og/ella elektrikaraútbúgving er ein fyrimunur

·         Koyrikort til bil

·         Neyðugt er at koyra trukk. Vit bjóða rætta viðkomandi koyrikort til trukk

·         Ert røkin, álítandi og tekur ábyrgd

·         Ert virkin og nærløgd/lagdur í arbeiðinum

·         Hevur góð samstarvsevnir og ert fyrikomandi

·         Ert ein góður starvsfelagi

 

Setanarviðurskifti

Starvið verður lønt sambært sáttmála millum Starvsmannafelagið og Fíggjarmálaráðið.

Starvið er fulltíðarstarv.

 

Hevur tú spurningar um starvið, kanst tú venda tær til Rósing W. Skorá, Tekniskan leiðara á tel. 211149 ella senda ein teldupost til rosing.winther.skora@apotek.fo

 

Umsókn

Skrivlig umsókn við avriti av møguligum viðmælum og upplýsingum um royndir skal vera Apoteksverkinum í hendi í seinasta lagi 9. februar 2022. Umsóknir skulu sendast við at trýsta her.

 

Vit bjóða

Til rætta viðkomandi kunnu vit bjóða eitt avbjóðandi, mennandi og fjølbroytt starv á einum áhugaverdum og gevandi arbeiðsplássi saman við nógvum ymiskum fakbólkum, har góðska og trivnaður er í hásæti.

 

 

Apoteksverkið

Apoteksverkið hevur til endamáls at framleiða, flyta inn, flýggja út, upplýsa um, hava á goymslu, handla við og pakka heilivág. Landsapotekarin umsitur almenn mál apoteksverkinum viðvíkjandi.

Apoteksverkið umfatar Landsapotekaraembætið, Framleiðsluapotekið og tey fýra apotekini.

Les meira um okkum á www.apotek.fo

 

Umsóknarfreist: 09. feb. 2022
03. jan. 2022
Barsilsavloysari til Framleiðsluapotekið

 

Framleiðsluapotekið søkir starvsfólk til heilivágsframleiðslu

Vit sóknast eftir einum dugnaligum og ágrýtnum starvsfólki við viðkomandi útbúgving til spennandi starv á framleiðsludeildini. Viðkomandi verður partur av framleiðslutoyminum, sum tekur sær av framleiðslu av heilivági og merkivørum eftir altjóða GMP reglum.

Talan er um eitt avloysarastarv fyri eina, sum fer í barsil. Ynskiligt er, at tú byrjar skjótast gjørligt, og starvið er tíðaravmarkað til summarið 2023.

Um starvið

Tú ert við í toyminum, sum ger blandingar til krabbameinsviðgerð og aðrar viðgerðir á  sjúkrahúsinum. Eisini kemur tú at standa fyri framleiðslu av tablettum, og annars at vera við at loysa fyrifallandi uppgávur á deildini. Sum starvsfólk á Framleiðsluapotekinum skalt tú vera við at tryggja, at arbeitt verður eftir galdandi lóggávu.

Í framleiðslutoyminum ynskja vit at samstarva um at loysa uppgávurnar skynsamt og við góðskuni í hásæti. Talan er um eitt avbjóðandi starv á einum mennandi arbeiðsplássi við góðum starvsfeløgum.

Førleikar

Vit vænta, at tú hevur lokið viðkomandi útbúgving sum farmakonomur, laborantur ella aðra útbúgving, sum gevur førleikar innan framleiðslu.

Vit vænta, at tú hevur áhuga fyri heilivágsframleiðslu, og at tær dámar at arbeiða við framleiðslutólum á brúkarastøði. Vit vænta, at tú ert ágrýtin, álítandi, góðskutilvitað/ur og at tú hevur ein skipaðan og nærlagdan arbeiðshátt. Royndir innan framleiðslu kann vera ein fyrimunur, men er ikki ein treyt.

Harumframt vænta vit, at tú ert ein fyrikomandi og jaligur starvsfelagi, sum ynskir at vera við til at arbeiðsplássið mennist og starvsfólkini trívast.

Setanarviðurskifti

Talan er um eitt avloysarastarv við setan skjótast gjørligt og fram til summarið 2023. Starvið er fulla tíð ella eftir avtalu. Arbeiðstíðirnar eru hvønn gerandisdag í dagtímunum. Starvsstaðurin er á Framleiðsluapotekinum í Tórshavn.

 

Starvið verður lønt sambært sáttmála millum avvarðandi fakfelag og Fíggjarmálaráðið.

 

Hevur tú spurningar um starvið, kanst tú venda tær til Elisabeth Joensen-Næs á tlf. 404090 ella senda ein teldupost til ejn@apotek.fo

Umsókn

Skrivlig umsókn við avrit av møguligum viðmælum og upplýsing um royndir skal vera Framleiðsluapotekinum í hendi í seinasta lagi sunnudagin 23. januar 2022. Umsóknir skulu sendast við at trýsta á hesa leinkju.

 

 

Framleiðsluapotekið

Framleiðsluapotekið er partur av Apoteksverkinum og umfatar eina framleiðsludeild og eina góðskudeild. À Framleiðsluapotekinum starvast uml. 25 starvsfólk, harav fleiri farmakonomar, laborantar, hjálparfólk, verkfrøðingur og farmaseutar.

Á Framleiðsluapotekinum framleiða vit fleiri sløg av heilivági og merkivørum til bæði menniskju og djór. Harumframt pakka vit heilivág í skamtanarposar til uml. 1300 brúkarar. Framleiðsluapotekið hevur GMP/GDP góðkenning frá donsku myndugleikunum.

Les meira um okkum á www.apotek.fo            

 

 

Umsóknarfreist: 23. jan. 2022
08. sep. 2021
Spennandi starv sum innkeypari í Apoteksverkinum

Søkt verður eftir einum dugnaligum og ágrýtnum persóni til mennandi starv í nýstovnaðari megin innkeyps- og logistikk deild í Apoteksverkinum. Tú verður partur av toyminum, ið tekur sær av innkeypi og vøruflutningi fyri alt Apoteksverkið. Í samband við, at Apoteksverkið fær nýggja KT-skipan í næstum, verður í løtuni arbeitt við at innføra VMI á apotekunum.

Sum starvsfólk í innkeypsdeildini skalt tú vera við til at tryggja, at apotekini hava røttu vøru á goymslu, umframt at skipa mannagongdirnar soleiðis, at økið sum heild verður rikið skynsamt. Tað er av stórum týdningi, at tú ert tænastusinnað/ur og dugir væl at samskifta.

 

Starvið

Arbeiðsuppgávurnar verða avtalaðar og lagdar til rættis í samstarvi við innkeypsleiðaran, men eru  í høvuðsheitum:

·         Viðlíkahald av VMI hjá Nomeco á teimum fýra apotekunum 

·         Innkeyp av rávørum, heilivági v.m. til framleiðslu, alivinnu og skamtan

·         Innkeyp av rakstrarvørum v.m.

·         Fakturagóðkenning og tolling av vørum

·         Upprætta merkivørur, rávørur v.m. í telduskipanini

·         Avgreiða destruktiónsordrar og kreditnotur

·         Ábyrgd fyri konsignatiónsgoymslu av vøru til alivinnuna

·         Søla og keyp av vørum millum apotekseindirnar

·         VMI av føroysku framleiðsluvørunum á apotekunum

·         Superbrúkari í nýggju KT-skipanina innan innkeyp og logistikk

 

Tínir førleikar

Tú hevur áhuga fyri innkeyp og logistikk, umframt hegni at arbeiða innan øki.  Eisini kann dentur verða lagdur á hesar førleikar:

·         Góð analytisk evni, og góðan førleika til tøl og Excel

·         Førleika at raðfesta, samskipa og leggja arbeiðið til rættis

·         Evni at samskifta á føroyskum, donskum og enskum í skrift og talu

·         Royndir ella útbúgving innan øki kann vera ein fyrimunur, men er ikki ein treyt

Harafturat dámar tær at hava fjøltáttaðar uppgávur, og vit leggja dent á, at tú sært týdningin í at samstarva, og hevur ein semjusøkjandi hugburð.

Tá talan er um eina nýstovnaða innkeypsdeild kunnu broytingar í starvsinnihaldinum koma fyri.

 

Vit bjóða

Til rætta viðkomandi kunnu vit bjóða eitt avbjóðandi, mennandi og fjølbroytt starv á einum áhugaverdum og gevandi arbeiðsplássi saman við nógvum ymiskum fakbólkum, har góðska og trivnaður er í hásæti.

Setanarviðurskifti

Talan er um fast starv, sum er ásett at vera fulla tíð. Rætti viðkomandi verður settur skjótast gjørligt.

Starvið verður sett og lønt sambært sáttmála millum avvarðandi fakfelag og Fíggjarmálaráðið.

Starvsstaðurin er á Staravegi 15 í Tórshavn.

 

Umsókn

Skrivlig umsókn við avriti av prógvi, viðmælum og CV við upplýsing um royndir skal vera Apoteksverkinum í hendi í seinasta lagi mikudagin 22. september 2021. Umsóknir skulu sendast við at trýsta her.

Hevur tú spurningar um starvið, kanst tú venda tær til Frank Jacobsen á tlf. 259904 ella senda ein teldupost til frank@apotek.fo

 

 

Umsóknarfreist: 22. sep. 2021
26. aug. 2021
Hjálparfólk í matstovuni

Vit søkja eftir starvsfólki til okkara matstovu á Tjaldurs Apotek at byrja 18.10.21 ella skjótast gjørligt. Starvið er eitt barnsburðarfarloyvisstarv og er tí tíðaravmarkað til 1 ár frá setan.

 

Arbeiðsdagurin byrjar kl. 7:30 og endar í seinasta lagi 14:30, íalt 35 tímar um vikuna.

 

Uppgávan

Tú fært ábyrgd av matstovuni. Tú skal gera morgunmat, mat á middegi og seinnaparts kaffi.

Vit eru áleið 25-30 starvsfólk, ið eta í matstovuni.

 

Vit ímynda okkum, at tú gongur inn fyri:

·         At gera fjølbroyttan og heilsugóðan mat

·         At skapa hugna

·         At raðfesta reinføri

 

-       Er ábyrgdarfull/-ur, skapandi og fleksibul

-       Dugir at arbeiða sjálvstøðugt

 

Førleikar

Viðkomandi arbeiðsroyndir á økinum. Hetta er tó ikki ein treyt.

 

Setanar- og lønarviðurskifti

Starvið verður lønt eftir Starvsmannafelagnum,

lønarflokki 2.

 

Umsókn

Hevur tú spurningar til starvið, kanst tú ringja til deildarleiðara Elin Mouritsen á tlf. 404050 ella senda ein teldupost til elinm@apotek.fo.

Skrivlig umsókn við møguligum viðmælum og CV við upplýsingum um royndir skal vera Apoteksverkinum í hendi í seinasta lagi 15. sept. 2021. Umsóknir skulu sendast við at trýsta á hetta leinkið

https://starv.apotek.fo/Vacancy/Index/13

 

Tjaldurs Apotek

R.C.Effersøesgøta 31

Fo-100 Tórshavn

www.apotek.fo

 

Umsóknarfreist: 15. sep. 2021
15. jun. 2021
Vit sóknast eftir einum dugnaligum farmaseuti at arbeiða við kliniskari farmasi

Vit sóknast eftir einum dugnaligum farmaseuti at arbeiða við kliniskari farmasi

 

Klinisk farmasi er í støðugari menning, og vit hava tí tørv á nýggjum kreftum til at lyfta kliniskar farmaseutiskar uppgávur í  Apoteksverkinum. Apoteksverkið sóknast tí eftir einum farmaseuti at arbeiða ½ tíð í kliniska stápinum.

Talan er um tíðaravmarka starv í 1 ár til eina verkætlan um heilivág og eldri fólk, har farmaseutur skal útinna heilivágsgjøgnumgongd hjá borgarum yvir 90 ár í Føroyum. Starvið er liður í samstarvi millum Apoteksverkið og Deildina fyri Arbeiðs- og Almannaheilsu, har farmaseuturin kemur at samstarva við aðrar fakbólkar um heilivágin hjá eldri borgarum. Deildin fyri Arbeiðs- og Almannaheilsu er ánari av verkætlanini.  



Uppgávurnar eru:

§  Heilivágsgjøgnumgongd hjá borgarum bæði heimabúgvandi og á røktarheimum

§  Samskiftið við heilsustarvsfólk um borgarar

§  Skjalfestan av betrandi atgerðum til heilsustarvsfólk

§  Innsavnan av dátu um heilivág, betrandi atgerðir o.a. 

 

Krøv til umsøkjarin :

§  Hevur stóran áhuga og royndir innan kliniska farmasi

§  Hevur innlit í skynsama farmakoterapi

§  Hevur royndir við heilivágsgjøgnumgongd

§  Kunda og tænastusinnað/ur og hevur evni til at skapa góð sambond uppá tvørs av siðbundnum  og fakligum mørkum

§  Hevur royndir í  samstarvi við onnur heilsustarvsfólk

§  Hevur royndir við granskingarverkætlanum innan kliniska farmasi

§  Kann arbeiða sjálvstøðugt og í toymi

§  Er framlig/ur og opin

§  Er undangongufólk og trívist við at hava fáa nýggjar og fjølbroyttar avbjóðingar

§  Tolir broytingar í innihaldi og vavi av arbeiðsuppgávunum

§  Góð samskiftisevni í skrift og talu

§  Hevur áhuga í og vitan um heilsuverkið sum heild

§  Hevur staðið danskt farmaseutiskt kandidatprógv ella líkt prógv, sum er góðkent at lúka sáttmála við onnur lond

 

Vit bjóða:

Eitt spennandi og fakligt avbjóðandi starv, sum er liður í granskingarverkætlan um heilivág og eldri.

Starvið er 20 tímar um vikuna og er tíðaravmarkað til 1 ár. Starvsbyrjan er væntandi 1. september 2021.

Starvið er lønt sambært sáttmála millum Fíggjarmálaráðið og Pharmadanmark.

 

 

Umsókn:

Umsókn við prógvum, c.v og øðrum viðkomandi skjølum skal vera Apoteksverkinum í hendi í seinasta lagi 1. august 2021. Umsóknin skal sendast við at trýsta HER

Um tú hevur spurningar um starvið, kanst tú venda tær til Niels Joensen, farmaseut á tlf. 213097. Tú kann eisini senda t-post til: niels.joensen(at)apotek.fo

Les meira um Apoteksverkið á apotek.fo 

 

Umsóknarfreist: 01. aug. 2021
15. jun. 2021
Farmakonomur til Eysturoyar Apotek

Eysturoyar Apotek

 

Søkt verður eftir farmakonomi til Eysturoyar Apotek.

Starvið fevnir um 30 tímar um vikuna (ella eftir avtalu).

Setan 1. september 2021 ella eftir avtalu.

 

Vit vænta at:

  • tú ert fakliga væl fyri

  • tær dámar at avgreiða viðskiftafólki

  • tú hevur góð samarbeiðsevnir

  • tú ert jalig/ur og ein góð/ur starvsfelagi

  • tú ert álítandi og arbeiðssom/arbeiðssamur

  • tú møtir væl upp

  • tú hevur royndir innan apoteksarbeiði

 

Um Eysturoyar Apotek

 

Vit eru á leið 18 starvsfólk (hjáparfólk, farmaceutar, farmakonomar og farmakonomnæmingar)

Vit eru ISO 9001 góðkend

Vit samstarva við A-Apoteket

Vit brúka telduskipanina AX 2012

 

Arbeiðsøkið er í høvuðsheitum kundaavgreiðsla.

Umsóknarfreist: 15. august 2021

Roynartíð 3 mánaðir.

 

Løn eftir sáttmála millum fíggjarmálaráðið og farmakonomfelagið.

 

 

Umsókn skal sendast við at trýsta HER

 

Meira fæst at vita við at venda sær til Ingun Hansen, apotekara á telefon 404185 ella Petsy Midjord, leiðandi farmakonom, á telefon 404186. T-post adr.: ingun.hansen@apotek.fo ella petsy.midjord@apotek.fo

 

 

Eysturoyar Apotek

Mýravegur 6

FO – 620 Runavík

 

Telefon 404040

www.apotek.fo

 

Umsóknarfreist: 15. aug. 2021
05. mai 2021
Tjaldurs Apotek søkir starvsfólk til koyritoymið

Tjaldurs Apotek søkir starvsfólk til koyritoymið

Søkt verður eftir starvsfólki til okkara koyritoymið, sum er ein partur av logistikkdeildini á Tjaldurs Apotek at byrja 1. juli. Talan er um eitt fulltíðarstarv.

 

Ábyrgdarøkir:

Sum partur av koyritoyminum syrgir tú fyri vøruflutninginum. Tú koyrir ordrar til m.a. Landssjúkrahúsið, Framleiðsluapotekið og Fíggjardeildina hjá Apoteksverkinum, okkara deild í Steinatúni, kommunulæknar, djóralæknar, bústovnar og ellis- og røktarheim.

Harumframt arbeiðir tú í vørumóttøkuni. Tú hjálpir við at fáa vøruna inn, tekur m.a. ímóti pakkum, pakkar ordrar, pakkar plattar, syrgir fyri at halda logistikk deildina ruddiliga og hjálpir starvsfólkunum í logistikk, tá tørvar er á tí - umframt annað fyrifallandi arbeiði. Fyrivarni skal takast fyri broytingum í starvinum.

 

Tínir førleikar:

•     Tú ert røkin, álítandi og tekur ábyrgd.

•     Tú megnar skiftandi arbeiðsuppgávur og arbeiðir sjálvstøðugt.

•     Tú hevur góð samstarvsevnir og ert fyrikomandi.

•     Tú hevur koyrikort til persónbil.

•     Tú hevur nøkulunda góðar telduførleikar.

•     Tú ert likamliga væl fyri til tey tungu tøkini.

 

Setanartreytir:

Starvið verður lønt sambært sáttmála millum Starvsmannafelagið og Fíggjarmálaráðið, lønarflokkur 2.

 

Vilt tú vita meir?

Hevur tú spurningar um starvið, kanst tú venda tær til Elin Mouritsen, deildarleiðara í logistikk, á tlf. 404050 ella senda ein teldupost til elinm@apotek.fo.

 

Umsókn:

Skrivlig umsókn við møguligum viðmælum og CV við upplýsingum um royndir skal vera Apoteksverkinum í hendi í seinasta lagi sunnudagin 23. mai 2021.

 

Umsóknir skulu sendast við at trýsta á hetta leinkið https://starv.apotek.fo/Application/Index/7

 

Tjaldurs Apotek

R.C.Effersøesgøta 31

Fo - 100 Tórshavn

www.apotek.fo

 

 

Umsóknarfreist: 23. mai 2021
05. mai 2021
Endurlýsing eftir starvsfólki til matstovuna á Tjaldurs Apoteki

Endurlýsing eftir starvsfólki til matstovuna á Tjaldurs Apoteki

Vit søkja eftir starvsfólki til okkara matstovu á Tjaldurs Apotek at byrja 01.06.21 ella skjótast gjørligt. Starvið er eitt barnsburðarfarloyvisstarv og er tí tíðaravmarkað til 1 ár frá setan.

 

Arbeiðsdagurin byrjar kl. 7 og endar í seinasta lagi 14:30, íalt 36 tímar um vikuna.

 

Uppgávan

Tú fært ábyrgd av matstovuni. Tú skal gera morgunmat, mat á middegi og seinnaparts kaffi.

 

Vit eru áleið 25-30 starvsfólk, ið eta í matstovuni.

Harumframt skal tú eftir tørvi gera kaffi og rudda av í samband við skeiðir og fundir.

 

Matskrá skal leggjast til rættis. Keypast skal inn til hesar máltíðir.

 

Vit ímynda okkum, at tú gongur inn fyri:

·         At gera fjølbroyttan og heilsugóðan mat

·         At skapa hugna

·         Varða av rakstrinum av matstovuni

·         At raðfesta reinføri

 

-       Er ábyrgdarfull/-ur, skapandi og fleksibul

-       Dugir at arbeiða sjálvstøðugt

 

Førleikar

Viðkomandi arbeiðsroyndir á økinum. Hetta er tó ikki ein treyt.

 

Setanar- og lønarviðurskifti

Starvið verður lønt eftir Starvsmannafelagnum,

lønarflokki 2.

 

Umsókn

Hevur tú spurningar til starvið, kanst tú ringja til deildarleiðara Elin Mouritsen á tlf. 404050 ella senda ein teldupost til elinm@apotek.fo.

 

Skrivlig umsókn við møguligum viðmælum og CV við upplýsingum um royndir skulu sendast við at trýsta á hetta leinkið https://starv.apotek.fo/Application/Index/6

 

Tjaldurs Apotek

R.C.Effersøesgøta 31

Fo-100 Tórshavn

www.apotek.fo

 

 

 

 

Umsóknarfreist: 31. mai 2021
09. apr. 2021
Starvsfólk til matstovuna á Tjaldurs Apoteki

Starvsfólk til matstovuna á Tjaldurs Apoteki 

 

Vil tú hava ábyrgd av, at starvsfólkini á Tjaldurs Apoteki fáa fjølbroyttan og heilsugóðan mat?

Vit søkja eftir einum dugnaligum og arbeiðssomum starvsfólki til okkara matstovu á Tjaldurs Apotek at byrja 31.05.21. Starvið er eitt barnsburðarfarloyvisstarv og er tí tíðaravmarkað til 1 ár frá setan.

 

Starvið er 36 tímar um vikuna, og arbeiðsdagurin byrjar kl. 7.

 

Uppgávan

Tú fært ábyrgd av matstovuni. Tú skal gera morgunmat, mat á middegi og seinnaparts kaffi.

 

Vit eru áleið 25-30, ið eta í matstovuni.

Harumframt skal tú eftir tørvi gera kaffi og rudda av í samband við skeiðir og fundir, ið kunna liggja um kvøldið.

 

Matskrá skal leggjast til rættis. Keypast skal inn til hesar máltíðir.

Tú hevur ábyrgd av matarkonta.

 

Vit ímynda okkum, at tú gongur inn fyri:

·         At gera fjølbroyttan og heilsugóðan mat

·         At skapa hugna

·         At keypa inn skynsamt og at varða av rakstrinum av matstovuni

·         At raðfesta reinføri

 

-       Er ábyrgdarfull/-ur, skapandi og fleksibul

-       Dugir at arbeiða sjálvstøðugt

 

 

Førleikar

Viðkomandi arbeiðsroyndir á økinum. Hetta er tó ikki ein treyt.

Setanar- og lønarviðurskifti

Starvið verður lønt eftir Starvsmannafelagnum,

lønarflokki 2.

 

Umsókn

Hevur tú spurningar til starvið, kanst tú ringja til deildarleiðara Elin Mouritsen á tlf. 404050.

 

Skrivlig umsókn við møguligum viðmælum og CV við upplýsingum um royndir skal vera Apoteksverkinum í hendi í seinasta lagi sunnudagin 25. apríl 2021. Umsóknir skulu sendast við at trýsta á hetta leinki https://starv.apotek.fo/Application/Index/5.

 

Tjaldurs Apotek

R.C.Effersøesgøta 31

Fo-100 Tórshavn

www.apotek.fo

 

Apotekið tryggjar heilsuna

 

 

Umsóknarfreist: 25. apr. 2021
26. mar. 2021
Farmakonomur til kliniska farmasi á sjúkrahúsi og á Framleiðsluapotekinum

Vit sóknast eftir farmakonomi at arbeiða við kliniskari farmasi á sjúkrahúsi og á framleiðsluapoteki

Søkt verður eftir einum dugnaligum og ágrýtnum farmakonomi til starv, sum er tvíbýtt millum Kliniska stápin hjá Landsapotekaranum og Framleiðsluapotekið. Viðkomandi verður partur av kliniska toyminum, sum tekur sær av uppgávum innan kliniska farmasi og logistik í Sjúkrahúsverkinum. Á Framleiðsluapotekinum verður viðkomandi partur av framleiðslutoyminum, ið tekur sær av framleiðslu av kemoviðgerðum, heilivági og merkivørum eftir altjóða GMP reglum.

Talan er um fulltíðar starv at byrja skjótast gjørligt, og sum fyribils er tíðaravmarkað til 1 ár frá setan.

Starvið

Arbeiðsuppgávurnar í kliniska toyminum koma í høvuðsheitum at umfata heilivágstænastu á deildunum og at loysa logistiskar uppgávur, sum knýta seg til økið. Harumframt kemur tann, ið settur verður, at vera við til at undirvísa og ráðgeva sjúkrahússtarvsfólki um heilivág og heilivágsnýtslu. Sum starvsfólk í kliniska stápinum ert tú við at tryggja eina skynsama heilivágsnýtslu á sjúkrahúsinum.

Á Framleiðsluapotekinum verður høvuðsarbeiðsøkið at vera við í toyminum, sum ger kemoblandingar og aðrar blandingar til sjúkrahúsini. Harumframt kemur tann, ið settur verður, at vera við til at loysa aðrar fyrifallandi uppgávur, ið knýta seg til heilivágsframleiðslu sum heild. Sum starvsfólk á Framleiðsluapotekinum skalt tú vera við til at tryggja at arbeitt verður eftir galdandi lóggávu.

Tínir førleikar

Umframt at tú ert útbúgvin farmakonomur, hevur tú áhuga fyri kliniskari farmasi og heilvágsframleiðslu. Royndir innan sjúkrahúsfarmasi, heilivágstænastu ella heilivágsframleiðslu kann vera ein fyrimunur, men eru ikki ein treyt.

 

Dentur verður lagdur á, at tú ert ágrýtin, álítandi og sært týdningin í at arbeiða góðskutilvitað. Tað er eisini týdningarmikið, at tú megnar at hava fjøltáttaðar uppgávur og samstundis hava ein skipaðan og nærlagdan arbeiðshátt.

Vit vænta, at tú ert tænastusinnað/ur og hevur góð evni til at samstarva við ymsar yrkisbólkar. Tú dugir væl at arbeiða í toymi, men eisini at arbeiða sjálvstøðugt. Vit vænta, at tú ert fyrikomandi og ynskir at geva títt íkast til, at arbeiðsplássið mennist og at starvsfólkini trívast.

Setanarviðurskifti

Talan er um starv, sum fyribils er tíðaravmarkað til 1 ár frá setan. Starvið er ásett at vera 40 tímar um vikuna, har helvtin er á Landssjúkrahúsinum og hin helvtin er á Framleiðsluapotekinum í Tórshavn.

Starvið verður sett og lønt sambært sáttmála millum Farmakonomfelagið og Fíggjarmálaráðið.

Umsókn

Skrivlig umsókn við avriti av prógvi, viðmælum og CV við upplýsingum um royndir skal vera Apoteksverkinum í hendi í seinasta lagi týsdagin 13. apríl 2021. Umsóknir skulu sendast við at trýsta á hesa leinkju https://starv.apotek.fo/Application/Index/4

Hevur tú spurningar um starvið, kanst tú venda tær til Niels Joensen á tlf. 213097 ella Elisabeth Joensen-Næs á tlf. 404090. Tú kanst eisini senda ein teldupost til nielsj@apotek.fo ella ejn@apotek.fo

Les meira um okkum á apotek.fo  

 

 

Umsóknarfreist: 13. apr. 2021
Henda síðan brúkar farspor (cookies)
Vit brúka farspor fyri at kunna gera tína uppliving betri.
Neyðug farspor tryggja, at heimasíðan riggar, sum hon skal.
Tú kanst altíð taka samtykkið aftur. Hetta gert tú við at fara til síðuna um farspor